Драбина

Телескопска драбина

Драбина 1. справа з карфами за ґрабанє горе и зиходзенє (серб. мердевине); 2. у хлїве над яшлями за карменє коньох (зоз шеном и под.): Руцел коньом шена за драбину.

Драбини дараз правели колєсаре, а дзепоєдни домашнї их правели з материялу яки мали: на два дручки поприбивали карфи або дещищки на хтори ше могло ставац. Нєшка єст метални (алуминийово) драбини – єднїсти, двойнїсти и тройнїсти, таки цо ше розкладаю. Же би витримала вельки чежини, муша буц з барз черствого материялу як цо то древо лєбо метал. Тиж, пре мобилносц, нєобходно хасновац лєгки материяли як цо то алуминий.

У обисцу ше драбина хаснує за пендранє на мур пре билєнє, монтажу полїцох и под. Тиж за пендранє на древо пре оберанє овоци лєбо будинки пре оправку облакох, закрица и под. У историї було и други наменки. Под час нападаня на вельки твердинї драбини хасновани у обшедаюцих турньох, за пендранє пешадиї на горнї уровнї. Нєшка то єдно з основних средствох огньогасних екипох, будовательох и малярох. Огньогасци хасную такв. телескопски драбини же би могли дойсц по висши поверхи. З часом ше окрем класичних єднокраких драбинох зявели и двокраки драбини хторим нєобходна подпорка и зоз ню оможлївени роботи на повали.

Двокрака драбина

Историйни хаснованя

[уреди | уреди извор] Драбини стародавни алати и технолоґия. Драбина приказана на мезолитскей слики на стини старей найменєй 10.000 роки, приказаней у Павучних пещерох павукох у Валенсиї, Шпания. Слика приказує два osoби хтори хасную драбину же би дошли по гнїздо дзивих пчолох и позберали мед. Драбина приказана як длугока и флексибилна, вироятно направена з даякей файти твардей трави.

Найдлугша драбина, висока 41,26 метери, направена з древа 2005. року у Аустриї.

Походзенє слова

всл. drabina(з обидвома значенями); поль.drabina (драбина), чес.drabina (исте), слц. drabina(исте), од прасляв. drabь, drabina, зродне зоз нєм. Trappe, Treppe«ґарадичи». Ономатопейске слово (пор. нєм trappen«дупкац, чежко исц»

Фразеолоґия

до драбин 1. кельо станє до коча до верху драбинкох: Накладли кукуричанки до драбин; 2. векше количество: Нє зна дзе набави тельо швинї и корнази же би направел додрабин кулену, кельо му дотични челєднїк наручел.

драбина до пойда: Зоз комори ше виходзело на пойд, та ту стала драбина до пойда.

длугоки (вельки) як драбина – високого росту: З думкох зорвал Михала глас Раца, югаса од младосци, длугокого як драбина.

Литература

• Словнїк руского народного язика I, А – Н, Нови Сад 2017, б. 375.

Вонкашнї вязи

• Процес масовне производње мердевина: Стара јапанска фабрика за производњу мердевина.

• CDC – NIOSH Update – New NIOSH Smart Phone App Addresses Ladder Safety

• Ladders 101 - American Ladder Institute. Includes use & care of different types of ladders, ladder terms & links to safety standards.

• „Safety in the selection and use of ladders”  (PDF). Health & Safety Executive.