Дисонанца

Дисонанца, малюнок Франца фон Штуки (1910),хлапец зоз панову фрулу.

Дисонанца (лат. dissonantia, франц. и анґл. Dissonance), значи зраженє, нєзлога, нєсогласє, звучни нєсклад) То согласє хторе настава зоз источасним звучаньом двох або вецей тонох (интервали, акорди) а кед ше их слуха вони виволую нєприємни упечаток, нєсклад и нємир и глєдаю розришенє, т.є. змиренє.

Нотни приклад дисонанци на тону це¹.

Звучни приклад дисонанци на тону це¹.

Таки музични звучни нєсклад виволую и дисонантни интервали (опатриц приклад нїжей на правим боку).

Дисонантни интервали то:

• шицки секунди (мала, велька, зменшана и звекшана),
• шицки септими (мала, велька, зменшана и звекшана),
• шицки зменшани интервали,
• шицки звекшани интервали.

Ухо нєшкайшого чловека постало до тей мири имуне на звучни нєсклади и оштрини, же дакедишнї теорийно дисонанци нєшкайшому чловекови вецей нє таки ,,груби,” оштри и нєприємни. Процивно дисонанци то консонанца, хтора доприноши приємне, змирене и лагодне звучанє людскoму уху и нє глєда розришенє.

Методи преценьованя консонанци и дисонанци

Рoзлика медзи консонанцу и дисонанцу спатра ше през даскельо аспекти:

• математични аспект: консонанца ма єдноставнєйше одношенє числох вибрациї, а дисонанца зложенше; напр. чиста квинта = 2:3, мала септима = 5:9
• физични (або акустични): дисонанци маю длугши периоди понавяня ґрупи вибрацийох звучного цела як консонанци, и прето спричинюю моцнєйши „дурканя." „Дисонанци“ мож наволац гоч хтори акустично оштри консонанциї, уключуюци и тоти хтори класификовани як консонанци у класичней гармониї;
• физиолоґийни: консонанца ше чувствує як цихи умирююци звук, дисонанца як оштри, иритириюци, нємирни звук;
• психолоґийни: консонанца ше спатра як фудамент/ основа, вираз змиреносци, нєт нємиру, а дисонанца як нєстабилносц, ношитель напруженя и тензиї, фактор рущаня.

Нотни приказ: В. А. Моцарт, контрапунктово дїло зоз дисонанцами.

Дисонанца у Моцартовим контрпунктовим дїлу (виривок.)

У европскей полифоней музики, глатки преход зоз дисонанци до консонанци ше доживйовал як зменшанє напнутосци, виволує менталне задовольство и постава найважнєйши критериюм за естетске преценьованє музики. Одношенє дисонанци и консонанци у гармониї ше метафорично описує як „ґравитацию“ (од першого ґу другому), а преход зоз дисонанци до консонанци як „розришенє.“ Змена дисонанци-напнутосц и консонанци-пражнєнє/змирйованє, формує даяку файту „гармонийного диханя“ у музики.

Литература

• Гарбузов Н. А., О консонирующих и диссонирующих интервалах, «Музыкальное образование», 1930, № 4—5;
• Клещов С. В., К вопросу о различии диссонирующих и консонирующих созвучий, «Труды физиологических лабораторий академика И. П. Павлова», 1941, т. 10;
• Гельмгольц Г. Учение о слуховых ощущениях как физиологическая основа для теории музыки. Пер. с нем. СПб., 1875.
• Stumpf С., Konsonanz und Dissonanz, Lpz., 1898; Riemann Н., Zur Theorie der Konsonanz und Dissonanz, в його зб.: Präludien und Studien, Bd 3, Lpz., 190

Вонкашня вяза

• disonanca Proleksis enciklopedija (язик; горватски)
• Консонанс і дисонанс

• Диссонанс (в музыке)Arhivirano 2 грудня 2008 у Wayback_Machine у Велика радянська енциклопедія на русийским язику