Динамика (музика)
Динамика у музики єден зоз аспектох организациї музики, узко повязани зоз моцносцу звука и дїйством розличних акустичних компонентох[1]. Динамика, як и други елементи, спада до основних елементох виражованя характеру музики, твореня контрастох и водзи слухачох през емоцийне дожице композициї, так як цо и темпо уплївує на швидкосц у музичним дїлу.
Главни ознаки динамики: [1]
Штредня ґрадация гласносци динамики:[1]
- mf (ит. mezzo-forte, вигваря ше meco-forte) - умерено гласно:
- mp (ит. mezzo-piano, вигваря ше meco-piano) - умерено поцихи, итд.
Максимална и минимална динамика ше означує зоз двома або вецей знаками, напр.:
- ff (fortissimo, италиянски fortissimo) - барз гласно,
- pp (pianissimo, италиянски pianissimo) - барз поцихи.
Тоти ознаки помагаю виводзачом пренєсц емоцийну глїбину и текстуру музичного дїла, од найцихшого, такповесц, шептаюцого звука (ррр) по найгласнєши (fff) тонски звуки.
Пошоровани основни динамични ознаки
[ушориц | ушор жридло]Од найцихшого по найгласнєйше:
- ppp (possibile): найцихше як мож (як шептанє)
- pp (pianissimo): бaрз поцихи
- p (piano): поцихи
- mp (mezzopiano): штреднє поцихи
- mf (mezzoforte): штреднє гласно (як бешеда)
- f (forte): гласно
- ff (fortissimo): барз гласно
- fff (fortissimo possibile): найгласнєйше як мож (як кричанє).
Шлїдуюци мена за динамику у музичней нотациї ше хасную за означованє поступней пременки моцносци звука:[1]
- крешендо (ит. crescendo, абревиятура: cresc.), поступне змоцньованє звука
- диминуендо, декрешендо (ит. diminuendo, aбo decresendo), поступне сцихшованє.
У музичней нотациї скрацено крешендо и диминуендо - декрешендо (абревиятура) cresc. и dim. (aбо decresc).
Ґрафични знаки за динамику
[ушориц | ушор жридло]Пре исти смисел и циль змоцньованя и сцихшованя тонох хасную ше окремни знаки хторим линиї скапчани, злучени на єдним боку, а розиходза /роздвоюю ше на другим боку.
- Кед ше линиї розиходза и ширя з лїва на право
то значи змоцньованє звука.
- Кед ше линиї розиходза и ширя з лїва на право
- Kед ознака процивна
то сцихшованє звука, тона.
- Kед ознака процивна
Шлїдуюци нотни приклад: фраґмент музичней нотациї означує умерено гласни початок, потим змоцньованє звука, и заш його сцихшованє:
Додатни словни динамични ознаки
[ушориц | ушор жридло]Ознаки cresc., dim., f и p можу буц провадзени зоз додатнима ознаками:
- poco (poco - дакус),
- poco a poco (poco a poco – кус-покус),
- subito або sub. (subito – нагло, нєсподзивано),
- piu (piu - баржей, значнєйше), итд.
- piu forte, напр., значи гласнєйше.
- sforzzando, forzando
, 
, 
(сфорцандо - барз наглашиц тон, сфoрцандо, наглашиц тон).[4] - acento
акцент значи на месту дзе стоя таки ознаки 
тони/ноти треба наглашиц.
- sforzzando, forzando
Динамика значни виражуюци елемент хтори може уплївовац на перцепцию музики и виволовац рижни асоцияциї при слухачох. Хаснованє динамики найчастейше одредзене спрам змистох, природи и характеру музики, характеристикох єй структури и стила. Лоґика одношеня медзи нїма и музичних звукох єдно зоз главних условийох за уметнїцке виводзенє композициї[1].
Литература
[ушориц | ушор жридло]- Тајчевић, Основи теорије музике (бок 165) muzika.rs.
Вонкашнї вязи
[ушориц | ушор жридло]- Юрий Юцевич. Музика: словник-довідник. — Тернопіль, 2003. —бок 404 — ISBN 966-7924-10-6. (html-пошук по словнику, djvu)
- ДИНАМИКА // Словопедія Архів оригіналу за 29 січня 2020. Процитовано 06.09.2021.
Референци
[ушориц | ушор жридло]- ↑ 1,0 1,1 1,2 1,3 1,4 Dynamics Virginia Tech Multimedia Music Dictionary. Archived from the original on 7 April 2014. Retrieved 19 March 2012.
- ↑ Forte". Virginia Tech Multimedia Music Dictionary. Archived from the original on 20 October 2014. Retrieved 19 March 2012.
- ↑ "Piano". Virginia Tech Multimedia Music Dictionary. Archived from the original on 22 October 2014. Retrieved 19 March 2012.]
- ↑ Gerou, Tom; Lusk, Linda (1996).Essential Dictionary of Music Notation: The Most Practical and Concise Source for Music Notation. Van Nuys, CA: Alfred Music Publishing. pp. 37–38. ISBN 978-0882847306.]