Деспотово
| Деспотово | |
|---|---|
| Административни податки | |
| Держава | Сербия |
| Автономна покраїна | Войводина |
| Управни округ | Южнобачки |
| Општина | Бачка Паланка |
| Жительство | |
| —2022 | 1.544 |
| —густосц | 42/km2 |
| Ґеоґрафски характеристики | |
| Координати | 45° 27′ 26″ С; 19° 31′ 38″ В |
| Часово зони | UTC+1 (CET), влєце UTC+2 (CEST) |
| Абс. висина | 83 m |
| Поверхносц | 43,7 km2 |
.svg)
| |
| Инши податки | |
| Поштове число | 21468 |
| Поволуюце число | 021 |
| Реґистерска ознака | BP |
Деспотово (скорей Сентиван, по руски Сентивань) населєнє у општини Бачка Паланка, у Южнобачким округу, у Сербиї. Спрам Попису зоз 2022. року мало 1544 жительох.
История
[ушориц | ушор жридло]Населєнє часто меняло свою назву, як и число жительох, цо потвердзує бурну историю того подруча. У писаних документох населєнє першираз спомнуте у 13. вику по назву „Сентиван“, найскорей по фамелиї чий маєток бул Сентиванї. У другей половки 13. вику ше спомина як Сеннтиванкеси (кеси = валал). На самим початку 15. вику (1418. року) спомина ше як Деспот Сентиван, цо значи же бул маєток даєдного спомедзи сербских деспотох. През 15. вик ше спомина як Едязашсентиван, алє и як Кишсентиван 1559, та Сентиван у другей половки 16. вику. И у 18. вику ше спомина як Деспот Сент Иван, а 1904. Мадяре валалу даваю мено Урсентиван. Од конца Першей шветовей войни ше вола Деспот Свети Иван, а по Другей шветовей войни ноши мено Василєво (по русийскому воякови Васильови, першому ошлєбодительови хтори вошол до валалу). После того достава назву Нове Василєво, а свойо нєшкайше мено Деспотово достава у маю 1952. року.
Деспотово нєшка
[ушориц | ушор жридло]У централней часци населєня находза ше шицки важнєйши обєкти. Ту основна школа (перша школа у Деспотове почала робиц при концу 60-их рокох 18. вику), православна церква, Дом култури, здравствена станїца, Задружни дом, Огньогасни и Ловарски дом, читальня, Месна заєднїца, Месна канцелария, пошта и др. Спрам остатнього попису хтори орґанизовани 2002. року, у Деспотове було 676 обисца.
У Деспотове нєт индустрийни погони. Значносц ремеселскей дїялносци и число занятих у нєй з рока на рок опадує, число тарґовинских роботньох ше звекшує, а даскельо погосцительни обєкти типу карчми подмирюю найосновнєйши потреби жотельства. У населєню функционує Землєдїлска задруґа ОЗЗ „Деспотово“ хтора ґаздує зоз коло 17% польопривредно обрабяцей жеми и з рибаловом хтори творя седем озера на поверхносци 210 гектарох. У тей задруґи заняти коло осемдзешат жителє Деспотова. Цо ше дотика културного розвою валала, важне спомнуц КУД „Лоґовац“ з Деспотова, хторе чува фолклорни и традиционални вредносци. Кажди рок ше отримую „Иваньдански стретнуца“ (на Яна), шветочносц хтора тирва три днї кед ше сходза любителє фолклору и добрей старей шпиванки.
Демоґрафия
[ушориц | ушор жридло]У населєню Деспотово жию 1654 полнолїтни жителє, а штредня старосц жительства виноши 40,3 роки (39,4 при хлопох и 41,1 при женох). У населєню єст 676 обисца, а штреднє число членох о обисцу 3,10.
| Демоґрафия | ||
|---|---|---|
| Рок | Жительох | |
| 1948. | 2.425 | |
| 1953. | 2.346 | |
| 1961. | 2.396 | |
| 1971. | 2.402 | |
| 1981. | 2.150 | |
| 1991. | 2.081 | 2.071 |
| 2002. | 2.096 | 2.120 |
| Тото населєнє углавним населєне зоз Сербами
(спрам Попису зоз 2002. року) | ||
|---|---|---|
| Серби | 1.863 | 88,88% |
| Словаци | 46 | 2,19% |
| Горвати | 43 | 2,05% |
| Югославянє | 31 | 1,47% |
| Мадяре | 19 | 0,90% |
| Роми | 17 | 0,81% |
| Руснаци | 12 | 0,57% |
| Муслиманє | 10 | 0,47% |
| Чарногорци | 8 | 0,38% |
| Чехи | 7 | 0,33% |
| Бунєвци | 7 | 0,33% |
| Албанци | 6 | 0,28% |
| Українци | 4 | 0,19% |
| Нємци | 4 | 0,19% |
| Словенци | 3 | 0,09% |
| Македонци | 2 | 0,09% |
| Румунє | 1 | 0,04% |
| Нєпознате | 3 | 0,14% |
Вонкашнї вязи
[ушориц | ушор жридло]- Деспотово, Википедија на српском језику, sr.wikipedia.org, 23. септембар 2006.