Даниєла Штайнфелд
| Даниєла Штайнфелд | |
|---|---|
 Даниєла Штайнфелд у представи Мала Сирена, 2009. року | |
| Датум народзеня | 20 май 1984. |
| Место родзеня | Бачка Тополя |
| Державянство | СФР Югославия, Сербия |
| Образованє | Факултет драмских уметносцох |
| Универзитет | Универзитет у Беоґрадзе |
| Занїманє | ґлумица |
| Робота | |
| Значнєйши улоги | Ивкова слава—Мариола Гевто нашо цо кедишик було—Икица |
Даниєла Штайнфелд (20. май 1984, Бачка Тополя) руска и сербска театрална, телевизийна и филмска ґлумица.
Биоґрафия
[ушориц | ушор жридло]Даниєла Штайнфелд родзена 20 мая 1984. року у Бачкей Тополї, у єврейско-рускей фамелиї. Оцец мр. Михайло и мац мр. Мария родз. Колошняї. Даниєла ма старшу шестру Соню. Од родзеня жила у Руским Керестуре дзе ходзела до основней школи Петро Кузмяк а тиж и до ґимназиї хтору закончела на руским язику.
Паралелно зоз основну школу закончела успишно основну музичну школу ШОМО-Кула одзелєнє у Руским Керестуре, инструмент клавир. Окрем порядней настави у ґимназиї Даниєла була активна у Доме култури як барз добра рецитаторка и у Руским народним театру Дядя як ґлумица-амaтер дзе ше и родзела при нєй любов за ґлуму. Бавела у РНТ Дядя у вецей представох.
Як рецитаторка-ґимназиялка у катеґориї старшого возросту пласовала ше на Републичне змаганє у Валєве и освоєла перше место.
После законченей ґимназиї уписала студиї ґлуми на Факултету драмских уметносцох у Беоґрадзе, у класи професора Драґана Петровича. Дипломовала ґлуму 2008. року на истим факултету.
Попри мацеринского руского Даниєла чечно бешедує сербски, анґлийски и гебрейски язики.[1]
Жиє и роби у ЗАД дзе ше преселєла после того як ю колеґа зоз хторим робела єден проєкт сексуално напастовал, як вона твердзела у медийох. У марцу 2021. року вона до явносци винєсла твердзенє и тужбу у хторей наведла же ю напаствовaл Бранислав Лечич, же би у юнию истого року суд одруцел Даниєлову тужбу зоз обгрунтованьом: ,,нє постоя основи сумнї же зробене наведзене виновне дїло, а анї друге даяке виновне дїло пре хторе ше вишлїдзованє пребера по урядовей длужносци".[2]
Кариєра
[ушориц | ушор жридло]Телевизийни и филмски витвореня
[ушориц | ушор жридло]Даниєла Штайнфелд ше по перши раз зявела на филме у витвореню Срдяна Драґоєвича Ми нє ангели 2 з 2005. року. Того рок вона витворела и замеркованшу улогу у филме и мини-сериї Здравка Шотри Ивкова слава.[3] Два роки познєйше вона бавела єдну з главних улогох у телевизийней сериї Гевто нашо цо кедишик було, а истого 2007. року ше зявела и у часци филма Час нєвиносци под назву Хлапец хтори бул пребарз нєвини. Медзи замеркованшима улогами у єй кариєри була и улога проститутки Емануели у єдней з теди популарних серийох Враца ше ґовлї. У филме Ранєни орел и пред тим емитованей сериї истого мена, хтори робени по мотивох романа Мир Ям, Даниєла толковала улогу Донки.[4] Познєйше ше зявела и у даскелїх епизодних улогох, як и у филме Практични водитель през Беоґрад зоз шпиваньом и плаканьом, а по одходзе до Зєдинєних Америцких Державох витворела ище даскельо улоги, медзи хторима и подоба Блерти у филме Лєм кеш (анґл. Cash Only). Свой документарни филм о жертвох напаствованя Залїч ме (анґл. Hold Me Right)[5] премиєрно приказала на Сараєвским филмским фестивалу, а потим и на Фестивалу европского филма на Паличу.
Театрални улоги
[ушориц | ушор жридло]Свою театралну кариєру Даниєла Штайнфелд одпочала на сцени Беоґрадского драмского театра дзе на початку 2006. року була часц премиєрней поставки представи Амадеус. Фалат уж после нєполних двох рокох означел ювилейне 50. виводзенє.[6] У наступней 2006/07. сезони ґлумица участвовала у трох премиєрох хтори були на репертоаре истого театра. Єй мено ше зявело у ансамблох фалатох Любов итд, Блуз за Месию и Дисгармония. Року 2007. достала улогу у фалаце продукциї FAVI Пасторала хтори робени по тексту Радослава Павловича у режиї Милорада Милинковича. У сезони хтора ушлїдзела у Беоґрадским драмским театре вона була часц ансамбла представи Млєко. Попри того, превжала улогу Сари у представи Делириюм тременс хтору бавела два сезони. Тоту улогу пред ню толковали Милена Павлович Чучилович и Сладяна Влайович, а у познєйших виводзеньох часц ансамбла була и Надя Маршичевич. Наслов Инстант сексуалне воспитанє премиєрно виведзени у Театре Бошко Буха штредком марца 2008. року. Тиж так, наступного мешаца истого року, у Югославянским драмским театре Даниєла витворела улогу Марияни у премиєрней постановки Молиєрового фалата Тартиф зоз 2008. року, у режиї Еґона Савина. Тоту улогу у познєйших виводзеньох превжала Милица Ґойкович, познєйше стаємна членїца тей хижи. У Театре Бошко Буха толковала и подобу главней юнакинї у представи Мала сирена.[7] Истого, 2008. року, Даниєла Штайнфелд у Беоґрадским драмским театре витворела премиєрни улоги у представох Млєко, як и На пол цени, хтору од сезини 2010/11. превжала Єлисавета Орашанин. У цеку єшенї 2009. у БДТ виведзени премиєри представох Ангели у Америки, Мешац у пламеню. Даниєла Штайнфелд у юнию 2011. року бавела у проєкту Rickhardt у Нюйорку. Истого року достала улогу у представи Дньова заповид, хтора премиєрно виведзена у цеку новембра у Беоґрадским драмским театре, а у истим мешацу участвовала и у премиєрним виводзеня драми Фйодора Достоєвского Зли духи у Народним театре у Беоґрадзе.[8] Понеже Даниєла пре особни причини, о хторих вона даскельо роки познєйше бешедовала за медиї, напущела Сербию, у шицких активних представох пришло до пременкох у подзелєню улогох.
Улоги
[ушориц | ушор жридло]Театрални представи
[ушориц | ушор жридло]| Наслов | Улога | Редитель | Театер | Премиєра |
|---|---|---|---|---|
| Фредерик або булевар
злодїйствох |
Береника | Милан Караджич | Беоґрадски драмски театер | 17. април 2003. |
| Делириюм тременс | Саня | Ґоран Маркович | 25. април 2005. | |
| Амадеус | Констанца | Алиса Стоянович | 14. януар 2006. | |
| Любов итд. | Ели | Милена Павлович Чучилович | 10. октобер 2006. | |
| Блуз за Месию | Сара | Ягош Маркович | 30. октобер 2006. | |
| Дисгармония | Лена | Небойша Брадич | 28. фебруар 2007. | |
| Пасторала | Милорад Милинкович | 2007. | ||
| Инстант сексуалне воспитанє | Дача | Юґ Радивоєвич | Театер Бошко Буха | 16. марец 2008. |
| Тартиф | Марияна | Еґон Савин | Югославянски драмски театер | 3. април 2008. |
| Млєко | Наташа | Дюрдя Тешич | Беоґрадски драмски театер | юний 2008. |
| На пол цени | Саня, дзивче з класи | Сташа Копривица | 22. новембер 2008. | |
| Мала сирена | Русалка | Милан Караджич | Театер Бошко Буха | 1. марец 2009. |
| Ангели у Америки | Емили, шестра Ели Чаптер, жена з Южного Бронкса | Ґорчин Стоянович | 2. октобер 2009. | |
| Мешац у пламеню | Милена Павлович-Барили | Стефан Саблич | 10. децембер 2009. | |
| Rickhardt | HB Studio (Нюйорк) | 2011 | ||
| Дньова заповид | Катарина | Марко Манойлович | Беоґрадски драмски театер | 11. новембер 2011. |
| Зли духи | Лизавета Николаєвна | Тушина Лиза,Татяна Мандич Риґонат | Народни театер у Беоґрадзе | 22. новембер 2011. |
Филмоґрафия
[ушориц | ушор жридло]| Улоги | |||
|---|---|---|---|
| Рок | Наслов | Жридлови наслов | Улога |
| 2000-и роки | |||
| 2005. | Ми нє ангели 2 | Зорана | |
| 2005. | Ивкова слава | Мариола | |
| 2005. | Ивкова слава (серия) | ||
| 2007. | Час нєвиносци (сеґмент: Хлапец
хтори бул пребарз нєвини) |
Таня | |
| 2007. | Гевто нашо цо кедишик було (серия) | Икица | |
| 2007-2008. | Премиєр (серия) | ||
| 2008. | Враца ше ґовлї (серия) | Емануела | |
| 2008-2009. | Ранєни орел (серия) | Донка | |
| 2009. | Ранєни орел | ||
| 2009. | Занавше млади | Ивана | |
| 2009. | Гевто як любов (серия) | Мая | |
| 2009. | Кед на верби зродзи грозно (серия) | ||
| 2010-и роки | |||
| 2011. | Мишане месо (серия) | тинейджерка | |
| 2011. | Практични водитель през Беоґрад
зоз шпиваньом и плаканьом |
||
| 2012. | Beds Made & Sweaters On (кратки филм) | Джоан | |
| 2013. | Joan (кратки филм) | джоґер | |
| 2014. | Half & Half (кратки филм) | Еден | |
| 2015. | Birth Day (кратки филм) | Мелиса | |
| 2015. | Anya Karmanova: Euro Spy (серија) | Аня Карманова | |
| 2015. | Лєм кеш | Cash Only | Блерта |
| 2020-и роки | |||
| 2020. | Залїч ме | Hold Me Right (документарни) | |
Награди и припознаня
[ушориц | ушор жридло]Награда Беоґрадского драмского театра за уметнїцке доприношенє, за улогу Лени у представи Дисгармония 2007.[9]
Награда за найлєпше ґлумецке витворенє на 7. Йоакимфесту 2010. року за улогу Милени Павлович-Барили у представи Мешац у пламеню.[10]
Вонкашнї вязи
[ушориц | ушор жридло]Данијела Штајнфелд Театрослов на сајту Музеја позоришне уметности
Данијела Штајнфелд на веб-сајту PORT.rs
Референци
[ушориц | ушор жридло]- ↑ Krtinić, Marija (11. 9. 2020). „Danijela Štajnfeld: Cena tišine”. Данас.
- ↑ Evropa, Radio Slobodna (2021-07-13). „Odbačena krivična prijava Danijele Štajnfeld protiv Branislava Lečića”. Radio Slobodna Evropa.
- ↑ „Ko je glumica čija je potresna priča uzdrmala region? Na vrhuncu slave je pobegla za Ameriku, a evo šta je tamo radila!”. mondo.rs. 25. 8. 2020.
- ↑ „Ranjeni orao”. Кошутњак филм.
- ↑ Stojanov, Divna (19. 12. 2020). „Dokumentarac Danijele Štajnfeld „Zaceli me“ – pričanje će nas spasiti”. offns.rs.
- ↑ „Večeras 50. izvodjenje Amadeusa u BDP-u”. Новинска агенција Бета. mondo.rs. 18. 11. 2007.
- ↑ Stefanović, Dimitrije (31. 3. 2009). „Za decu i osetljive u Buhi”. seecult.org.
- ↑ „Зли дуси”. Народно позориште у Београду.
- ↑ ” ”Tatjana Lukjanova“ Dušanki Dudi Stojanović”. Данас. 21. 2. 2008.
- ↑ „Pobednici 7. Joakimfesta”. seecult.org. Делфи књижаре. 17. 5. 2010.