Гомбалка
Гомбалка (серб. клацкалица; љуљашка) то єдноставна справа наменєна за дзецинске бависко хтора роби на принципе полуги. У основи, то єдна греда хтора на штредку (у точки чежиска) прибита або прикруцена на основу и подзвигнута над жему даскельо дзешатки центи. На концох греди ше находза шедзиска, або лєм простор предвидзени за шедзенє, зоз гоч яку файту ручки за хтору ше дзеци можу тримац. Дзеци пошедаю до шедзискох, зоз ногами дотикаю жем и оддрилюю ше од жеми зменююци ше, так же ше раз єдно, раз друге находза високо у воздуху, або нїзко при жеми.
Зменююце премесцанє ше вола гомбанє и забавя учашнїкох у бависку. Кед ше бависко претаргує, учашнїки муша стануц и поровнац греду, же би безпечно зишли зоз шедзискох. Нагле напущанє шедзиска, пре погубену ровновагу, може виволац паданє бавяча хтори остал на гомбалки. Гомбалки ше прето часто поставя над мегку подлогу, як цо то трава або пиловина.
Гомбалка облюбена при дзецох и прето же ю мож лєгко импровизовац. Зоз єдноставним покладаньом длугшей дески на основу мож направиц просту гомбалку.
Гомбалка то и колїмбачка (слц. нар. kolimbačka „гомбалка”) вишаца направа за гойсанє:
Положел [дїдо] унука на колїмбачку, закапчал го, а вец ше и сам видрапал.
Ґалерия
[ушориц | ушор жридло]-
Гомбалка -
Гомбалки у парку -
Гомбалки у парку -
Гомбалка, шедзиско зоз ґуми -
Гомбалки за дзеци -
Дзецински парк зоз гомбалками -
Дзивка на гомбалки -
-
Гомбалки -
Гомбалка на тераси -
Литература
[ушориц | ушор жридло]- Словнїк руского народного язика I, А – Н, Нови Сад 2017, б. 273, 613.