Гольт
Гольт (серб. јутро; коцур. голт; укр. морг поля; поль. мorga, mórg; всл. hold/holt, слц. jutro; čes. jitro, од мадь. hold) – мера за поверхносц жеми, 5754,6 м2 або 1600 кв. вата. То 0,5754642 гектари або 0,80 ланци (1 ланц жеми то 7192 метери квадратни або 0,7192 гектари або 1,25 гольти), а то длужина парцели = 200 вата = 379,3 метери и ширини = 8 вата = 15,168 метери.
Гольт ше хаснує у жемох хтори були под Австроугорску, а часто ше го виєдначовало и волало дзень ораня. З меном „гольт“ було и други єдинки за поверхносц як цо: славонско-сримски гольт и вельки гольт.
У народзе ше и нєшка як меру за поверхносц хаснує слово гольт (у Дюрдьове – ланц, у Коцуре голт), алє урядово ше парцели жеми рахує у гектарох (гектар ма вредносц 100 ари, односно поверхносц квадрата чийо боки длугоки 100 метери; 100 ари або 0.01 km2).
Фразеолоґия
[ушориц | ушор жридло]Хто ма пейц гольти жеми, та и маґарца оженї (ода) – маєтного леґиня (маєтну дзивку) оженя (одаю) гоч є и нєдобри (нєдобра), нємудри (нємудра) и под.
Литература
[ушориц | ушор жридло]- Словнїк руского народного язика I, А – Н, Нови Сад 2017, б. 273
Вонкашнї вязи
[ушориц | ушор жридло]- Hektar, Vikipedija na srpskohrvatskom jeziku, sh.wikipedia.org
- Јутро (површина), Википедија на српском језику, sr.wikipedia.org
- Ланац (површина), Википедија на српсаком језику, sr.wikipedia.org