Гачнїк
Гачнїк (серб. учкур, карп.укр. гачник)
1. пантлїка за вязанє ґачох або споднїх сукньох коло пасу;
2. пантлїка за вязанє розпору на оплєчку:
На преднєй часци на першох мало розпор хтори ше вязал зоз гачнїком.
Гачнїк ше прави зоз медзисобно випредзених и виплєцених- усуканих нїткох, углавним з двох лєбо трох. Хаснує ше за увязованє, привязованє найчастейше даєдней часци облєчива. А мож го похасновац и за други потреби. Правело ше го зоз природних цвернох/нїткох (конопа, памук, волна, гадваб), док нєшка гачнїк частейше направени зоз синтетичних влакнох.
Зоз синтетичних нїткох гачнїк моцнєйши, мож го барежй зацагнуц и витримовнєйши є. Зоз природних нїткох швидше ше очкодує, сщуха и потарга.
Фразеолоґия
[ушориц | ушор жридло]Будзеш ти паметац кеди ши гачнїк завязал = увидзиш ти свойо, заплациш ти то
Завязани як гачнїк = нєзнаходлїви, нєрозвязани: Механїчар одцагує з оправяньом машини, требало би ю вжац од нього. Чом же ши ю нє питал енерґично од нього? Таке завязане як гачнїк!
Завязац як гачнїк = нєдобре завязац: Кед мех нєдобре завязани, гвари ше же є завязани як гачнїк.
Завязани як гачнїк = хтори медзи собу у блїзкей вязи (о чловекови и жени, о двох пайташох)
Литература
[ушориц | ушор жридло]Словнїк руского народного язика I, А – Н, Нови Сад 2017, б. 252