Гайштук
Гайштук (од нєм. Halstuch „хусточка коло шиї“, слц.диял. halstuck, hajštuk „машля, кравата“) – машля, кравата, хусточка коло шиї: Мой дїдо ношел чарни цайґово панталони, кошулю упасовал ... Коло шиї закруцал чарни гайштук, даскельо раз. То бул узки чарни шал, котри вон ношел през жиму.
Нєшка старши уж нє знаю точне значенє слова гайштук. Хасную го у контекстох хтори нагадую же бешеда о часци шмати на першох, под браду: Мачанка му по гайштуку поквацкана.
Фразеолоґия
[ушориц | ушор жридло]Сциснуц ше як до гайштука – моцно ше сциснуц (напр. з ременьом коло пасу: Цо ши ше сциснул як до гайштука „цо ши ше так сциснул з тим ременьом?“
Литература
[ушориц | ушор жридло]- Словнїк руского народного язика I, А – Н, Нови Сад 2017, б. 240
Вонкашнї вязи
[ушориц | ушор жридло]- Kravata Srpskohrvatska Vikipedija, sh.wikipedia.org, 26. jul 2009.
- Leptir mašna. Vikipedija na srpskom jeziku, sr.wikipedia.org, 23. februar 2022.