Воздух

Белава  шветлосц баржей розшата у ґазох хтори творя Жемову атмосферу од шветлосци других габових длужинох, цо дава Жеми белавкасти персцень кед ше на ню патри зоз вселени.

Воздух то механїчна мишанїна ґазох хтора обвива планету Жем и твори єй атмосферу.

Хемийни состав

азоту єст 78%,

оксиґену 21%,

арґону 0,93%,

угльового диоксиду 0.034% и у барз малих количествох криптону, гелию, неону и других.

У пременлївих количествох у ваздуху може буц водовей пари, озону, угльового диоксиду, радону и других. Состав воздуху варирує на розличних висинох. При векшей висини зменшує ше змист оксиґену, а звекшує ше змист водонїку. Тиж, воздух значни за живи швет и существа у нїм. Орґанизем живого швета удихує оксиґен хтори ше находзи у воздуху, а до воздуху врацаю угльов диоксид.

Физични характеристики

Физични характеристики воздуху то:

густосц,

прицисок,

влажносц,

температура и

струяня.

Воздух у жеми

Воздух ше находзи и у пражнїнох, ярчкох и порох у жеми, у хторих ше находзи и вода. Оптимални условия за розвой рошлїнох ше установюю кед одношенє води и воздуху 50:50% у зони ризосфери.

Жем хтора нєпреривно намокнута з воду ма у себе менше количество воздуху при чому ше творя анаеробни условия (мочари, белави поверхносци...).

Заґадзенє воздуху

До заґадзеня воздуху приходзи при згорйованю фосилних горивох. Углє, нафта и ґаз у себе маю сумпор, з хторого зоз згорйованьом наставаю оксиди сумпору. Пре високи температури у моторох автомобилох, од азоту и оксиґену наставаю оксиди азоту. Оксиди сумпору и азоту то заґадзоваче воздуху бо надражую шлїжацу скорочку. Углєнїк (IV)-оксид и часточки праху тиж заґадзую воздух.

До субстанцийох хтори заґадзую воздух учишлюю ше перше тоти цо ше нє находза у нєзаґадзеним воздуху. До заґадзуюцих субстанцийох учишлюю ше и шицки тоти хемийни злученїни хтори природно постоя у воздуху кед их концентрация векша од тей хтора одвитує нєзаґадзеному воздуху. Барз мало єст хемийни злученїни хтори нє заґадзоваче.

Литература

• Ситарица, Рада; Тадић, Милутин (Београд, 2008). Географија 5 за 5. разред основне школе, Завод за уџбенике и наставна средства

• Ранђеловић, Владимир. „Ваздух” (PDF).

Вонкашнї вязи

• NASA's Earth Fact Sheet

• American Geophysical Union: Atmospheric Sciences

• Физические свойства воздуха — таблица значений