Вовторок

Вовторок - други дзень у тижню хтори ше находзи медзи пондзелком и стреду (укр. вівторок - од акуз. словозлученя во + второк, хторе перше значело на вовторок (серб. у уторак), а вец ше почало хасновац як меновнїк. Першобутна назва другого дня у тижню була, значи, второк, а тей форми одвитує серб. уторак, слц. utorok, поль. wtorek, всл. vtorëk. У народним язику найчастейше ше хаснує форму вовуторок, дакеди аж и вогуторок. Литературна форма вовторок. Свойо мено вовторок достал од старославянского слова въторъ цо значи други.

Вовторок звичайно дзень за виберанки у Зєдинєних Америцких Державох. Федерални виберанки ше отримує вовторок после першого пондзелку у новембре; тот датум установел закон зоз 1845. року за предсидательни виберанки (окреме за вибор Виберанквого колеґиюму), а преширени є на виберанки за Хижу представительох 1875. року и на Сенат 1914. року. Вовторок бул найвчаснєйши дзень у тижню, практични за анкетованя у вчасним 19. вику: гражданє можебуц мушели путовац цали дзень же би гласали, а нє сцели исц внєдзелю, хтора була дзень обожованя за вельку векшину людзох. Велї америцки держави отримую предсидательни примарни виберанки вовторками.

Чарни вовторок у ЗАД ше одноши на 29. октобер 1929, початок велькей панїки коло берзи. То бул вовторок после Чарного штвартку, хтори означел початок Велькей депресиї.

У греческим швеце, вовторок (дзень у тижню кед спаднул Константинополь 1453. рoку) трима ше за нєщешлїви дзень. Исте важи и за жеми у хторих жителє бешедую на шпанским язику, дзе єст присловка En martes, ni te cases ni te embarques (Нє жень ше вовторок, нє починай путовац). Косовска битка 1389. року тиж була вовторок, на Видовдан.

Литература

Словнїк руского народного язика I, А – Н, Нови Сад 2017, бок 220.

Вонкашнї вязи

Jasmina, Minja. „Značenje dana u nedelji”. astroportal.in.

„NARODNA VEROVANJA O DANIMA U NEDELJI”. family.rs.

Hocken, Vigdis. „Tuesday: Tiw’s and Mars' Day”. timeanddate.com.

„Tuesday”. merriam-webster.com.

Уторак. Википедија на српском језику, sr.wikipedia.org/sr-ec/