Владимир Паланчанин
| Владимир Паланчанин | |
|---|---|
 | |
| Народзени | 5. авґуста 1953. |
| Умар | 11. децембра. 2010 (57) |
| Державянство | югославянске, сербске |
| Язик творох | руски, сербски |
| Школа | ґимназия, Вербас |
| Универзитет | Филозофски факултет, Одсек за филозофию, Беоґрад |
| Период твореня | 1977—2010. |
| Жанри | новинарство |
| Поховани | Централни теметов, Нови Сад |
| Припознаня | награда Светозар Маркович |
Владимир Паланчанин (*5. авґуст 1953—†11. децембер 2010), новинар, редактор, директор.
Биоґрафия
[ушориц | ушор жридло]Владимир Паланчанин народзени 5. авґуста 1953. року у Дюрдьове. Оцец Владимир и мац Амалия родз. Уйфалуши. Владимир мал младшого брата Александра. Основну школу и Ґимназию закончел у Вербаше. Дипломовал на Филозофским факултету у Беоґрадзе, Одсек за филозофию.
Владимир Паланчанин бул учашнїк и єден од преднякох у студентских бунтох хтори були блїзки професором хтори дїловали у кругу медзинародного филозофского часопису Праксис. Анґажованє Владимира Паланчанина, як студента беоґрадского Филозофского факултета, резултовало зоз судским процесом у юнию 1974. прецо реаґовала медзинародна заєднїца як и Amnesty International.[1]
Од 1977. року Владимир Паланчанин робел у Ґимназиї Петро Кузмяк у Руским Керестуре як професор филозофиї.
Владимир Паланчанин бул оженєти зоз Анґелу, у малженстве мали тройо дзеци Андрея, Кристину и Емила.
У рускей редакциї Радио Нового Саду Владимир Паланчанин почал робиц 1981. року як сотруднїк.[2] На функциї одвичательного редактора Редакциї бул у двох мандатох од 1990. по 2000. рок. После подїйох 5. октобра 2000. року Владимир Паланчанин бул зменєти зоз функциї одвичательного редактора Рускей редакциї Радио Нового Саду.[3]
Директор НВУ Руске слово Владимир Паланчанин бул од 2005. по 2010. рок. Єден є од иницияторох порушованя фестивала Ружова заградка, аґенциї Рутенпрес, Новинарскей асоцияциї Руснацох НАР.
За окремни новинарски досяги Владимир Паланчанин 1983. року достал рочну награду Светозар Маркович.
Владимир Паланчанин умар у Новим Садзе 11. децембра 2010. року. Поховани є на централним теметове у Новим Саду.
Ґалерия
[ушориц | ушор жридло]-
Владимир Паланчанин зоз класу ґимназиялцох у Руским Керестуре.
Вонкашнї вязи
[ушориц | ушор жридло]- Student Convicted as Yugoslavia Fights Dissent in Universities, By Malcolm W. Browne Special to The New York Times, June 26, 1974
- East wind over Yugoslavia
- Human rights in the People's Socialist, Federal Republic of Yugoslavia, p.14.
- Ґрупа авторох, „ Седемдзешати роки у Радио Новим Садзе ˮ, Гласи и часи, 70 роки Рускей редакциї Радио Нового Саду, Новинарска асоцияция Руснацох - НАР, Нови Сад 2019, б. 34.
- Ґрупа авторох, „ Сотруднїцтво зоз другима ˮ, Гласи и часи, 70 роки Рускей редакциї Радио Нового Саду, Новинарска асоцияция Руснацох - НАР, Нови Сад 2019, б. 83.
- Ґрупа авторох, „ Войново часиˮ, Гласи и часи, 70 роки Рускей редакциї Радио Нового Саду, Новинарска асоцияция Руснацох - НАР, Нови Сад 2019, б. 95.
Референци
[ушориц | ушор жридло]- ↑ , Amnesty International ANNUAL REPORT 1974/75, p. 124.
- ↑ Ґрупа авторох, „Члени Рускей редакциї од 1949. по 2019ˮ, Гласи и часи, 70 роки Рускей редакциї Радио Нового Саду, Новинарска асоцияция Руснацох - НАР, Нови Сад 2019, б. 140, 143.
- ↑ Ґрупа авторох, „Руска редакция од 2000. по 2005. рокˮ, Гласи и часи, 70 роки Рускей редакциї Радио Нового Саду, Новинарска асоцияция Руснацох - НАР, Нови Сад 2019, б. 114,115.