Влага

Влажни воздух у тропским лєше (на гори Канабулу), апарат- Гиґром за меранє релативней влажносци воздуха.

Влага то слово хторе означує присутносц води у лєбо на єдней материї, у ґазу лєбо у простору (напр. у пиньвици єдного будинку). Мали количества води можу ше найсц, напр. у воздуху (влажносц), у поживи и у даяких комерциялних продуктох.

У физики и науки о материї, бешедуєме о количестве води.

Ґазовита влага ше наволує влажносц воздуху, а у комбинациї зоз чечуцу воду то молга лєбо водова пара. Абсолутна влажносц воздуху указує кельо водовей пари содержи єдинка волумену ґазу. Влажносц ше тиж одноши на количество водовей пари присутней у воздуху. У жеми тиж постої влага.

Вицагованє води зоз поверхносци лєбо зоз материї ше наволує сушенє (дехидрация) лєбо одводньованє.

Превелька концентрация влаги у воздуху погодує стваряню печарочкох, бактерийох и плєшнєнїни у мурох, и звекшую число кревосокопийцох у праху (прейґ 45% релативней влажносци), цо може спричинїц рижни хороти.

Контрола влаги у продуктох

Контрола влаги у продуктох може буц витална часц процесу продукованя. У тим цо випатра же суха материя находзи ше значне количество влаги. Од житаркох, од кукуричних пахулькох, по пращкох за шмати, влага може мац важну улогу у конєчним квалитету продукта.

Дияґрам приказує найвекши постоток водовей пари у воздуху скорей кондензациї, хтора може буц над уровньом моря, у зависносци од температури.

Постоя два главни аспекти застараносци у контроли влаги у продуктох: допущеносц превельо лєбо премало влаги.

Напр. додаванє дакус води до кукуричних пахулькох, хтори ше предаваю по чежини, зменшую трошки и спричинюю же би були пребарз сухи, алє додаванє превельо води може уплївовац на хрупкавосц житаркох и швижосц, прето же количество води доприноши звекшованю числа бактерийох. Зоз количеством води у даєдней поживи ше тиж манипулує же би ше зменшало число калорийох.

Влага ма розлични ефекти на рижнородни продукти, уплївююци на конєчни квалитет продуктох. Древени пелети, напр. ше правя зоз помлєтих преостатих остаткох древа же би ше достали компактни пелети, хтори ше предаваю за зогриванє (як огрив). Потребно же би мали релативно нїзке количество води за ефикасносц згорйованя и греяня. Цо вецей влаги дозволєне у пелетох, вецей ше будзе ошлєбодзовац дим кед пелет згорює. А стварянє векшого количества дима, спричинює векши еколоґийни проблеми за околїско. Потреба за мераньом количества води у продуктох приведла до новей обласци науки, акваметриї. Постоя велї способи за меранє влаги у продуктох, як цо то и розлични мераня габох (шветлосних и звучних), електромаґнетних польох, капацитовей методи и традицийни технїки мераня и сушеня.

Велька влага спричинює плєшнєнїни на муре.

Прейґмирна влажносц може привесц до плєшнєнїни на мурох кед:

● Капиларно порозни (дзиркасти) будовательни материяли препущую воду, (4)

● Влага хтора остала после ствардньованя аґресивних паданьох,

● дифузна водова пара, у хторей часто постоя гидроскопни мурово солї,

● звекшованє влаги после транспорта през капилари,

● кондензация, напр. на вонкашнїм боку цеплотней изолациї, (паданє роси), на жимни нукашнї мури пиньвици влєце лєбо кед ше комини заґаравя.

Влага ше шири зоз предзераньом, лєбо дифузию пари лєбо часто зоз капиларним уплївом на горизонтални дилатацийни капчаня пасмох (як структурни очкодованя) лєбо пуклєнїнох у малтеру. То значи же влага може предзерац, до иншак, одпорних на диждж термоизолацийних компонентох.

Вонкашня вяза

• Како уклонити влагу у стану Vlaga u stanu - kako ukloniti vlagu sa zidova? diabau.rs
• Kapilarna vlaga u zidu i kako da zaštitite objekat od nje izolacija.rs, sr.wikipedia.org