Вецейтактова пауза

Вецейтактово паузи у мелодийскей часци инстр. фаґота, Оркестерска свита; Дзеци Африки

Вецейтактова пауза (анґл. multiple measure rests, gathered rest, multi-bar rest, фрaнц. bâton de mesure, нєм. pause über mehrere takte, рус. оркестровая пауза, многотактовая пауза) то знак за нотацию /нотацийни знак, хтори означує претаргнуце у граню лєбо шпиваню през вецей такти у композициї.

Кед музичарови-инструменталистови лєбо шпивачови зоз заєднїцким граньом т.є. шпиваньом (зоз провадзеньом клавира, або у оркестри, т.є. хору итд.) потребно же би паузовал през вецей пошоровани такти, у його часци—штиму звичайно ше теди пише длугши и векши знак за паузу, а над нїм написане число тактох у хторих виводзач нє грає, т.є. нє шпива.

Вецейтактова пауза то компактни способ за означаванє вецей тактох хтори маю паузу, прерву (претаргнуце) у граню. Таки способ припада знаком скрацованя, абревиятури, (знак за скраценє) натацийней ознаки за вецей такти зоз паузу. Зоз таку ознаку ше достава практичносц и преглядносц у партитури, а з тим олєгчує знаходзенє виводзачови док грає т.є. шпива. .

Старши систем писаня вецейтактових паузох

Окрем приказаного способу писаня вецейтактовей паузи (паузи през вецей такти), часто ше и нєшка хаснує старши систем нотированя. Нотни приклад:

Стари систем означованя за вецейтактови паузи

Опатриц

• Пауза (музика)

Вонкашня вяза

• Musical Symbols (Unicode block)
• Gerou, Tom; Lusk, Linda (1996). Essential Dictionary of Music Notation. Alfred Music. p. 49. ISBN 0-88284-768-6.