Ваїчкова клїтинка

Ваїчкова клїтинка представя женски ґамет,^[1] хтори ше формує у процесу ооґенези при животиньох и меґа ґаметоґенези при висших рошлїнох. Ма гаплоїдне число хромозомох як и сперматозоїд, алє при векшини файтох ма вельо векше количество цитоплазми од нього. Дозрета ваїчкова клїтинка релативно велька, односно, векша є од штреднєй тїлесней клїтинки животиньох. Барз вельки вайца маю птици, шмикаче, а и даєдни айкули. Прето фаза роснуца у ооґенези вельо вираженша як у сперматоґенези.

Файти ваїчкових клїтинкох

Спрам количества и розпорядку жовчку, хтори представя резервну поживу за ембрион, розликую ше три основни типи ваїчкових клїтинкох:

♦ олиґоцитни (oligos = мало; lekhitos = жовчок) ваїчково клїтинки маю мале количество жовчку хтори ровномирно розпоредзени по цитоплазми;

♦ телолецитни (telos = конєц) маю нєровномирно розпоредзени жовчок, так же ше на нїх розликую два половки:

♦ анимални, на хторим вецей цитоплазми и дзе ше находзи ядро, и

♦ веґетативни на хторим вецей жовчку.

Розликую ше два типи тих клїтинкох:

♦ умерено телолецитни и

♦ виразно телолецитни. Умерено телолецитни маю вецей жовчку од виразно телолецитних вайцох (присутни су при рибох). Жовчок у форми вельочислених такв. жовчкових плохочкох хтори у долнєй часци (веґетативна половка), док ше на анималней половки находзи вецей цитоплазми. Виразно целолецитни маю вельке количество густого жовчку, док цитоплазма зоз ядром зведзена на мали диск хтори лєжи на тим жовчку (ваїчково клїтинки шмикачох и птицох).

♦ Центролецитни ваїчково клїтинки маю вельке количество жовчку хтори змесцени у центре, а цитоплазма коло нього у форми поверхносного ценкого пасма. У самим центре жовчку находзи ше островко цитоплазми зоз ядром хторе окружене зоз цитоплазму.

Ваїчково клїтинки чловека и других плаценталних цицарох алецитни (без жовчку), прето же ембрион у костираню завиши од мацери, а нє од жовчку.

Литература

Словнїк медицинскей терминолоґиї, Дружтво за руски язик, литературу и културу, Нови Сад

2006. рок

Ћурчић, Б: Развиће животиња, Научна књига, Београд, 1990.
Поповић, С: Ембриологија човека, Дечје новине, Београд, 1990
Пантић, В: Ембриологија, Научна књига, Београд, 1989
Hale. W, G, Morgham, J, P: Школска енциклопедија биологије, Књига-комерц, Београд

Вонкашня вяза

BioNet Škola Архивирано на веб-сајту Wayback Machine (6. септембар 2009)

Референци

↑ "Ovum". Biology Dictionary. BiologyOnline. 7 October 2019. Retrieved 21 January 2023.

[1] "Ovum". Biology Dictionary. BiologyOnline. 7 October 2019. Retrieved 21 January 2023.

[1]