Ват (мера за моц)
| Ват | |
|---|---|
| Системa | СИ виведзена єдинка моци |
| Мерна єдинка | Моц |
| Символ | W |
| Меновани по | Джеймс Ват |
| Єдинково претваряня | |
| 1 W у... | ...єднаки зоз... |
| ЦҐС єдинки Анґлийски инженєрски єдинки | 107 erg⋅s-1 0,7375621 ft⋅lbf/s = 0,001341022 КС |
Ват (анґл. watt; символ: W) то СИ виведзена єдинка за моц. [1] 1 kg⋅m²⋅s−3 або, еквивалентно,[2] єднаки єдному джулу у секунди (1 J/s), або у електричних єдинкох, єдному волт амперу (1 V•A). Ват то швидкосц, у джулох по секунди, зоз хтору ше енерґия претворює, хаснує або шири.
Єдинка ват достала мено по Джеймсови Ватови пре його доприношенє у розвою парней машини и прилапена є на Другим конгресу Британскей асоцияциї за напредованє науки 1889. року и на єденастей Ґенералней конференциї чежинох и мерох 1960. року.
Єдинка за моц помножена з єдинку за час части способ виражованя енерґиї.
Наприклад, єдна киловат-годзина, количество енерґиї хтору утроши направа од єдного киловату за єдну годзину, виноши 3,6 меґаджули. Мегават-дзень (MWd або MW•d) єднаки 86,4 GJ. Тоти єдинки ше часто хаснує у контексту електрарньох и рахункох за струю.
Препатрунок
Кед ше швидкосц обєкту отримує константно на єден метер у секунди у одношеню на константну спроцивююцу силу од єдного нютна, швидкосц зоз хтору ше окончує роботу то єден ват.
У смислу електромаґнетизма, єден ват то швидкосц зоз хтору ше електричну роботу окончує кед струя од єдного ампера (А) чече прейґ розлики електричного потенциялу од єдного волта (V), цо значи же ват еквивалент волт-амперу (другу єдинку ше, медзитим, хаснує за велькосц хтора ше розликує од стварней моци електричного кола).
Приклади
• Особа хтора ма масу од 100 kg и хтора ше виґрабе на драбину високу 3 метери за 5 секунди, окончує роботу зоз швидкосцу од коло 600 вати. Маса раз пошвидшанє пре ґравитацию драги, раз висина подзелєне з часом яки потребни же би ше обєкт дзвигнул на дату висину дава швидкосц окончованя роботи або моц.
• Роботнїк през осемгодзинови роботни дзень може отримац штредню моц од коло 75 вати; висши уровнї моци мож посцигнуц у кратких интервалох и при спортистох. [3]
Векши мери
[ушориц | ушор жридло]Микроват
Микроват (µW) єднаки милионитей часци вата (10−6 W). Важни моци хтори ше мера у микроватох ше звичайно наводзи у медицинских инструментацийних системох як цо то електроенцефалоґраф (ЕЕГ) и електрокардиоґраф (ЕКГ), у широким спектре наукових и инженєрских инструментох, як и у вязи з радио и радарскима примачами. Компактни соларни клїтинки за пошореня як цо калкулатори и годзинки ше звичайно мера у микроватох.
Миливат
Миливат (mW) єднаки тисячней часци вата (0.001 W or 10−3 W). Типични ласерски указовач дава коло 5 миливати шветлосней моци, док типични апарат за слух хаснує менєй од 1 миливата. Аудио сиґнали и други уровнї електронских сиґналох ше часто мера у dBm, у одношеню на 1 миливат.
Киловат
Киловат (kW) єднаки тисяч вати (1000 W или 103 W). Тоту єдинку ше звичайно хаснує за виражованє виходней моци мотора и моци електричних моторох, алату, машинох и зогривачох. Тиж є призвичаєна єдинка хтору ше хаснує за виражованє виходней електромаґнетней моци радио и телевизийних давачох.
Єден киловат приблїжно єднаки 1,34 коньски моци. Мали електрични зогривач з єдним зогривацим елементом може хасновац 1 киловат. Штреднє трошенє електричней енерґиї єдного ґаздовства у ЗАД коло 1 киловат.
Поверхносц од 1 квадратног метера на Жеми звичайно прима коло 1 киловат слунковей шветлосци од Слунка (слунково зарйованє) (кед ясни дзень на поладнє, нєдалєко од екватора).
Меґават
Меґават (MW) єднаки милион вати (106 W). Велї подїї або машини продукую або отримую конверзию енерґиї на тей скали, уключуюци вельки електрични мотори; вельки воєни ладї як цо ношачи авионох и подморнїци; вельки фарми серверох або центри податкох; и даєдни наукововиглєдовацки опреми як цо суперколайдери, и виходни импулси барз вельких ласерох. Вельки будинок за биванє або дїловни будинок може хасновац даскельо меґавати електричней енерґиї и цеплоти. На железнїци, модерни електрични локомотиви велькей моци звичайно маю виходну моц од 5 или 6 MW, док даєни продукую вельо вецей.
Ґиґават
Ґиґават (GW) єднаки милиярду вати (109 W) або 1 ґиґават = 1000 меґавати. Тоту єдинку ше часто хаснує за вельки електрарнї або електрични мрежи.
Терават
Терават (TW) єднаки билиону вати (1012 W). Примарна енерґия хтору людзе хасновали ширцом швета була коло 160.000 терават-годзини 2019. року, цо одвитує штредньому континуованому трошеню енерґиї од 18 TW того року. Наймоцнєйши ласери од половки 1960-их по половку 1990-их рокох продуковали моц у тераватох, алє лєм у интервалох од наносекунди. Штреднє вдеренє грому досцигує вершину од 1 TW, алє тоти вдереня тирваю лєм 30 микросекунди.
Петават
Петават (PW) єднаки єдному квадрилиону ватох (1015 W) и може го випродуковац терашня ґенерация ласерох за часово скали шору велькосци пикосекунди (10−12 s).
Киловат-годзина
Єдинка за моц помножена з єдинку за час то части способ виражованя енерґиї. Наприклад, єдна киловат-годзина, количество енерґиї хтору потроши направа од єдного киловату за єдну годзину (1 годзина = 3600 секунди) и виноши 3,6 меґаджули.
Тоту єдинку ше часто хаснує у контексту електрарньох и рахункох за струю. Меґават-день (MWd або MW•d) єднаки 86,4 GJ.
Други єдинки за моц
[ушориц | ушор жридло]• 1 ват ≈ 3.412141630 BTU/h
• 1 ват = 1 волт × 1 ампер
• 1 коньска моц ≈ 745.700 W (заокружене зоз 745.69987158227022 W)
• 1 коньска моц (електрична, Велька Британия) = 746 W
• 1 коньска моц (електрична, Европа) = 736 W
• 1 коньска моц („метрична“) = 735.498 75 W
Литература
[ушориц | ушор жридло]• E Richard Cohen; Tom Cvitas; Jeremy G Frey; Bertil Holstrom; John W Jost, ур. (2007). Quantities, Units and Symbols in Physical Chemistry (PDF). International Union of Pure and Applied Chemistry (3. изд.). Royal Society of Chemistry; 3rd edition. ISBN 0854044337.
• International Union of Pure and Applied Chemistry (1993). Quantities, Units and Symbols in Physical Chemistry, 2nd edition, Oxford: Blackwell Science. ISBN 0-632-03583-8. Electronic version.
• Nelson, Robert A. (фебруар 2000). http://www.aticourses.com/international_system_units.htm The International System of Units: Its History and Use in Science and Industry. Via Satellite. ATI courses.
Вонкашнї вязи
[ушориц | ушор жридло]Borvon, Gérard. History of the electrical units.
Референци
[ушориц | ушор жридло]- ↑ Yildiz, I.; Liu, Y. (2018). „Energy units, conversions, and dimensional analysis”. Ур.: Dincer, I. Comprehensive energy systems. Vol 1: Energy fundamentals. Elsevier. стр. 12—13. ISBN 9780128149256.
- ↑ International Bureau of Weights and Measures (2006), The International System of Units (SI) (PDF) (8th изд.), стр. 118, 144, ISBN 92-822-2213-6
- ↑ Avallone, Eugene A; et al., ур. (2007), Marks' Standard Handbook for Mechanical Engineers (11th изд.), New York: Mc-Graw Hill, стр. 9—4, ISBN 978-0-07-142867-5