Вайцовод
Вайцовод (лат. Tuba uterina, ст.-греч. σᾰ́λπῐγγες) то парни орґани женскей репродуктивней системи.[1]
Випатрунок и збудова
[ушориц | ушор жридло]Вайцоводи то мускулово шлїжацоскорови орґани. Форма им цивкаста, благо накривена.[2] Їх длужина виноши медзи 14 и 16 cm. Повязани су зоз горню часцу плоднїци, точнєйше зоз рогом плоднїци, и змесцени су на єй обидвох концох. Други конєц вайцоводу шлєбодни у малей карлїци або пелвису. Вайцоводи служа як тунели през хтори ваїчково клїтинки зоз ваєчнїкох путую до плоднїци. През нїх ше тиж так рушаю и сперматозоїди, прето же ше оплодзованє ваїчковей клїтинки окончує у нїх.
Оплодзованє
[ушориц | ушор жридло]З овулацию зоз Ґрафового фоликулу, дозрета ваїчкова клїтинка сцигує до лумену вайцоводу, дзе сперматозоїди пребиваю до нєй. После пребиваня вонкашнєй блани ваїчковей клїтинки и уходзеня сперматозоїду до нєй, приходзи до стидньованя блани хтора на тот способ зопера други сперматозоїди же би пребивали до нєй. При пребиваню до ваїчковей клїтинки сперматозоїд ше миша зоз ядром ваїчковей клїтинки. Оплодзена ваїчкова клїтинка под дїйством перисталтичних рухох вайцоводу и водовей струї хтора настава зоз рушаньом мохоткових епицелох у тубох сцигує до глїбки плоднїци и теди приходзи до имплантациї оплодзеного ваїчка.
Реґиї
[ушориц | ушор жридло]Розликую ше штири реґиї вайцоводу од ваєчнїкох спрам утерусу:
♦ Infundibulum tubae uterinae – хтори ма фимбриї[3]
♦ Ampulla tubae uterinae – найчастейше место оплодзованя
♦ Isthmus tubae uterinae
♦ Pars interstitialis s. pars uterine – плоднїцова часц вайцоводу
Infundibulum tubae uterinae длугоки коло 2 cm и ма форму тевчира. На нїм ше находза фимбриї, дзешец до петнац пальцасти предлуженя, а найдлугша то фимбрия оварица.
Ampulla tubae uterinae, место дзе ше найчастейше случує оплодзованє, находзи ше такой при инфундибулуме, а єй длужина виноши од 6 до 8 mm. На ню ше надовязує Isthmus tubae uterinae чия длужина виноши 3 до 4 cm и хтори доходзи до одвитуюцого рогу утерусу.
Хистолоґия
[ушориц | ушор жридло]Штредня грубина мура вайцоводу виноши 2 до 3 mm и вон зложени зоз трох пасмох[4]:
♦ серозни обмоток (tunica serosa)
♦ мускулове пасмо (tunica muscularis)
♦ шлїжаца скорочка (tunica mucosa)
Хороти
[ушориц | ушор жридло]♦ Запалєня вайцоводу[5]
♦ Звонкаплоднїцова ваготносц
Литература
[ушориц | ушор жридло]- Словнїк медицинскей терминолоґиї, (сербско-латинско-руски), Дружтво за руски язик литератру и културу, Нови Сад 2006.рок
Вонкашнї вязи
[ушориц | ушор жридло]- Jajovod kao faktor infertiliteta - tubarni faktor drmilnkovic.com
- Prohodnost jajovoda intermed.co.rs
- Cecchino, GN; Araujo Júnior, E; Elito Júnior, J (Вересень 2014). Methotrexate for ectopic pregnancy: when and how. Archives of Gynecology and Obstetrics. 290 (3): 417—23. doi:10.1007/s00404-014-3266-9 PMID 24791968.
- Benign Neoplasms of the Vagina | GLOWM www.glowm.com (англ.). Архів оригіналу за 23 червня 2019. Процитовано 11 березня 2018.
Референци
[ушориц | ушор жридло]- ↑ "Uterine Tube (Fallopian Tube) Anatomy: Overview, Pathophysiological Variants". 14 July 2021. Retrieved 15 September 2022.
- ↑ Han, Joan; Sadiq, Nazia M. (2022). "Anatomy, Abdomen and Pelvis, Fallopian Tube". StatPearls. StatPearls Publishing. PMID 31613440. Retrieved 22 September 2022.
- ↑ "Fallopian Tube Disorders: Overview, Salpingitis and Pelvic Inflammatory Disease, Salpingitis Isthmica Nodosa". 15 March 2022. Retrieved 17 September 2022.
- ↑ Histology image: 18501loa – Histology Learning System at Boston University
- ↑ Briceag I, Costache A, Purcarea VL, Cergan R, Dumitru M, Briceag I, Sajin M, Ispas AT (2015). "Fallopian tubes--literature review of anatomy and etiology in female infertility". J Med Life. 8 (2): 129–31. PMC 4392087. PMID 25866566.]