Били водови квиток

Била калапчкова ружа
	Била калапчкова ружа
Наукова класификация
Царство	Plantae
Кладус	Tracheophytes
Кладус	Angiospermae
Ряд	Nymphaeales
Фамилия	Nymphaeaceae Salisb.
2 подфамилиї зоз 6 родами
	подфамиля Nymphaeoideae
	Nymphaea L. (калапчова ружа)
	Victoria Lindl. (виктория)
	Barclaya Wall.
	Euryale Salisb.
	Ondinea Hartog
	подфамилия Nupharoideae
	Nuphar Sm. (жовта калапчкова ружа)

Фамилия калапчових ружох (Nymphaeaceae) то фамилия вецейрочних водових рошлїнох з моцно розвитим ризомом, шерцоподобнима лїсцами хтори спирално розпоредзени, плїваюци, ридко дзвигнути над воду. Квитки двополни, актиноморфни, найчастейше били або моцних фарбох, велї квитково лїсточка представяю углавним стаминодиї – стерилни прашнїки – а нє венчиково лїсцочка. Плод собирни або синкарпни. Фамилия облапя 6 роди, зоз коло 58 файтами. Рошлїни тей фамилиї розширени скоро космополитски, нєт их у вельких пустиньох (Сахара, Арабийска пустиня), на вельких ґеоґрафских ширинох (сиверни Сибир, Канадски архипелаґ), анї у Австралиї, Новей Ґвинеї и часци Южней Америки.

Систематика и филоґения

Старосц ґрупи потвердзена и у фосилних находзискох. Найдзени фосили Nymphaeaceae хтори походза з долнєй креди (пред коло 90 милиони роками), а предпоставя ше за даєдни ище старши же су тиж часц тей фамилиї. Трима ше же ше предлуженє ґрупи Nymphaeaceae збуло пред 144-111 милиони роками, а оддвойованє нєшкайших родох пред 51-40 милиони роками. На основи фосилних находзискох мож заключиц же фамилия скорей була вельо рижнороднєйша и богатша з файтами.

Фамилия Nymphaeaceae єдна з найпримитивнєйших фамилийох скритонашенькарох, настала зоз секундарним врацаньом копнових рошлїнох до водового штредку. Пре модификациї (углавним поєдноставенє анатомиї) хтори провадза таку пременку штредку, характеристики фамилиї специфични и зошицким иншаки од ґрупох їх предкох (тропски древа!). Даєдни характеристики ше вше тримало за примитивни або преходни медзи характеристиками монокотиледоних и дикотиледоних рошлїнох. Кед напущена ексклузивна дихотомия скритонашенькарох на основи числа котиледонох, фамилия Nymphaeaceae ше нашла звонка обидвох ґрупох, як старша од нїх. Тото примитивне положенє фамилиї потримане з виглєдованями молекуларней и биохемийней систематики.

Фамилия Nymphaeaceae ше дзелї на двa подфамилиї – Nupharoideae (з єдним родом – Nuphar и коло дзешец файтами) и Nymphaeaoideae (5 роди – Barclaya, Euryale, Nymphaea , Ondinea, Victoria). Перша подфамилия характеристична по основним чишлє хромозомох х=17, и 10-18 ксилемских каналох у кореньох. За подфамилию Nymphaeoideae характеристични числа хромозомох х=10, 12, 14-18; як и 5-9 ксилемски канали.

Жридло

Локвањи

Вонкашня вяза

Галерия

Nymphaea sp.
White water lily
Nymphaea alba
Nyphaea alba
Жаба на лїсцу билого водового квитка