Беґей

Беґей
	Беґей при населю Житиште Мапа рики Беґей
Общи информациї
Длужина	256 km км
Базен	2.870 km2 км²
Злїв	Чарноморски
Пр. прецек	Пр. проток 13 m3⁄s
Водоцек
Жридло	Гора Пояна Руска (рум. Poiana Ruscă), Румуния
Надморска висина жридла	2 020 м
Улїв до рики	Тиса, при Тителу
Ґеоґрафски характеристики
Держави	Румуния, Сербия
Притоки	Беґа Лунканилор, Беґа Поєнилор, Нандреаска, Карпен, Икуй, Шопот, Вадана, Костей, Зопана, Буня, Ґладна, Кладова, Ниєредїш, Фадимак, Миниш, Ґлавица, Киздия, Йосифалау, Мочур, Валя Циґанулуй, Ґертеамош, Реметеа, Бехела, Стари Беґей

Беґей (рум. Bega, мађ. Béga) то рика у Румуниї и Сербиї. Єй жридло у горйовитей обласци, Пояна Руска (Poiana Ruscă), котра часц Карпатох.

Беґей чече през румунски вароши Фадєт и Темишвар, у Сербиї през валали Серпски Итебей, Нови Итебей, Торак, Житиште, през варош Зренянин, през валали Ечка, Стаїчево и Перлез.

Беґей ше улїва до Тиси при Тителу. Длужина Беґею виноши 256 км, а од того през Сербию чече 75 км. Рика углавним ровна, зоз частима вилївами. Предходно, скорей викопаного беґеля Беґа, рика була злучена зоз сушедну рику Тамиш. У плївней ровнїни улїва з правого боку находзи ше вельке Било озеро, хторе служи як природни реґулатор води у рики.

Прешлосц

Беґей реґуловани за плїванє/плївносц, та го вивожнїки вельо хасновали медзи двома шветовима войнами.^[1]

Пристанїще у Вельким Бечкереку ше находзело при будинку „Капетания”. Початком априла 1937. року водостой Беґея бул високи, т.є. уровень Тиси барз ше подзвигнул, и вилял варош. Найвекши чкоди мал валал Берберско, дзе ше звалєла и єдна хижа.^[2]

Прицеки

Беґей ма найвецей прицеки на териториї Румуниї а найзначнєйши прицеки пошоровани спрам улїву Беґея, (од жридла по улїв/уцек):^[3]

Лїви прицеки: Беґа Лунканилор, Карпен, Шопот, Вадана, Зопана, Ґладна, Ґлавица.
Прави прицеки: Беґа Поєнилор, Нандреаска, Икуй, Костей, Буня, Кладова, Ниєредїш, Фадимак, Миниш, Киздия, Йосифалау, Мочур, Валя Циґанулуй, Ґертеамош, Реметеа, Бехела, Стари Беґей.

Од наведзених прицекох Беґея єдина у реону Сербиї а то Стари Беґей, котри представя и його найвекшу прицеку.

Интересантносц

Мено румунского вароша Темишвара преклада ше як варош над Тамишом, без огляду же ше варош находзи на рики Беґа, а Тамиш чече 10 км южнєйше. Медзитим, у прешлосци ше тоти два рики злучовали на яр кед були вилїви и формовали заєднїцку заляту, ровнїну и пре тот факт варош достал свойо сучасне мено.

Ґалерия

Стари Беґей
Зренянин, рика Беґей
Зренянин, Беґей, 1900.
Беґель, Стари Беґей
Мост на рики Беґей
Улїв Беґею до Тиси
Беґей помедзи Житишта и Клеки
Ладї на Беґею, Зренянин,1900.
Рика Беґей
Рика Беґей у Темишвару
Беґей вжиме

Литература

Мала енциклопедија Просвета (3 изд.). Београд: Просвета. 1985. ISBN 978-86-07-00001-2.

Марковић, Јован Ђ. (1990). Енциклопедијски географски лексикон Југославије. Сарајево: Свјетлост. ISBN 978-86-01-02651-3.

Вонкашнї вязи

Грујић, Б. (22. 8. 2019). (22. 8. 2019). „Ниче нови мост преко Бегеја”. Вечерње новости. Приступљено 22. 8. 2019.
R.D. (2 September 2020). "Počinje plovidba kanalom Begej posle 60 godina" Politika (in Serbian). p. 8.

Референци

↑ "Тежак", Београд 1930.
↑ "Време", Београд 3. април 1937.
↑ Atlasul cadastrului apelor din România. Partea 1: Date morfo-hidrografice asupra reţelei hidrografice de suprafaţă (на језику: румунски). Букурешт: Ministerul Mediului. 1992. стр. 199—204.

[1] "Тежак", Београд 1930.

[2] "Време", Београд 3. април 1937.

[3] Atlasul cadastrului apelor din România. Partea 1: Date morfo-hidrografice asupra reţelei hidrografice de suprafaţă (на језику: румунски). Букурешт: Ministerul Mediului. 1992. стр. 199—204.

[1]

[2]

[3]