Бендов
Бендов (серб. шваргла, анґл. Head cheese, brawn, нєм. Presswurst, карп.укр. бендюх = жалудок, рсй. зельц, слц.диял. пейор. bembov, bendov = вельки брух, од мадь. bendő = жалудок румеґацого статку) полнєти швиньски жалудок, традиционални сухомесови продукт популарни у Сербиї и Горватскей, алє и медзи Руснацами. Подобни сухомесово продукти, направени з меса швиньскей глави, єст под рижнима назвами у цалей Европи и ЗАД.[1]
Пририхтованє
[ушориц | ушор жридло]
Док кажди валал ма свой окремни рецепт, з окремнима присмачками або з окремнима фалатками меса, основни бендов ше прави зоз швиньского язика, шерца, покруткох, скоркох и меса з глави. До меса ше додава паприґи, солї, попру и цеску. Готови ше го так же ше состойки увари, потим пореже на векши фалатки, та ше з нїма наполнї швиньски жалудок и ознова увари цали наполнєти жалудок. Кед ше увари, бендов ше прицишнє под терху даскельо годзини, а потим ше го окури даскельо днї.[2][3]
Фразеолоґия
Нє мац бендов за дацо – нє мочи дацо зробиц: Нє мал сом бендов спревесц го.
Ту маш матяш бендов! – ту ци (нам и под.) тераз (о дачим нєвигодним, нєобчекованим)
Ґалерия
[ушориц | ушор жридло]-
Нарезани бедов -
Бендов направени у Шкотскей -
Бендов зоз Шпаниї -
Фалат бендова
Литература
[ушориц | ушор жридло]- Словнїк руского народного язика I, А – Н, Нови Сад 2017, б. 55.