Бачки Ґрачац


Бачки Ґрачац
Здравствени центер у Бачким Ґрачцу
Административни податки
Держава	Сербия
Автономна покраїна	Войводина
Управни округ	Заходнобачки
Општина	Оджак
Жительство
—2022.	1.826
—густосц	59,7 km2
Ґеоґрафски характеристик
Координати	45° 33′ 14″ С; 19° 19′ 20″ 45° 33′ 14″ С; 19° 19′ 20″ В
Часово зони	UTC+1 (CET), влєце UTC+2 (CEST)
Абс. висина	82 m
Поверхносц	30,6 km2
Инши податки
Поштове число	25252
Поволуюце число	025
Реґистерска ознака	S

Бачки Ґрачац (по руски Филїпов; нєм. Filipsdorf або Filipowa; мадь. Szentfülöp) валал у општини Оджак, у Заходнобачким округу, у Автономней покраїни Войводини. Спрам Попису зоз 2022. мал 1.826 жительох.

Положенє населєня

Бачки Ґрачац ше находзи на заходзе Бачкей, медзи Оджаком на югозаходзе, Лалитьом на юговостоку, Руским Керестуром на востоку, Крущичом на сиверовостоку, Бачким Брестовцом на сиверозаходзе и Сербским Милетичом на заходзе.

Мено

Скорейши назви валалу яки ше хасновало у сербским язику були Филипово и Филипово Село, по руски Филїпов, з чого водзи походзенє и нємцка назва — Filipowa або Filipsdorf. У нємцким язику хасновани и назви Kindlingen и Sankt Philipp, док у мадярском язику хасновани назви Szentfülöp и Szent-Fülöp.

История

Угорски краль Бела III (1173–1196) у єдним документу спомина валал Filipova. Року 1650, у чаше османскей управи, валал ше спомина под меном Филипово, а бул населєни зоз Сербами. Року 1652. у валалє єст седем хижи и манастир, а по 1764. рок направени 20 обисца. Року 1762. почало насельованє Нємцох з южних часцох Нємецкей и Ческей, а вони у Филїпове правя 60 хижи. Року 1801. У валалє єст 272 хижи, а по початок 20. вику тото число звекшане на 535. У тим чаше векшина жительох у населєню були Нємци, а було дакус и Сербох и Мадярох.

Филїпов (Бачки Ґрачац) у прешлосци

Як пошлїдок фашистичней окупациї Югославиї у Другей шветовей войни и факту же 95% югославянских Нємцох було учленєне до профашистичней орґанизациї Културбунд и же ше декларовало як державянє Трецого райху, нови повойново югославянски власци векшину нємецкого жительства тедишнєй Югославиї (уключуюци и Нємцох з Бачкого Ґрачацу) позбули гражданских правох и конфисковали им маєток. Векшина югославянских Нємцох (коло 200.000) напущела територию Югославиї вєдно з окупацийним нємецким войском хторе ше поцаговало, док ше менша часц цо остала на югославянскей териториї нашла у лаґрох. После утаргованя лаґрох, шицки Нємци ше виселєли зоз жеми.

После висельованя Нємцох, до места приселєни 4.328 колонисти, з околїска Ґрачацу у Лики, та валал достава терашнє мено - Бачки Ґрачац. Максималне число жительох у населєню було 1953. року, после чого ушлїдзела реґресия, хтора по початок 21. вику у одредзеней мири ублажена. Застановеню депопулациї у велькей мири допринєсло присельованє вигнатих особох з Горватскей у остатнєй децениї 20. вику.

Демоґрафия

Спрам Попису жительства зоз 2002. року, у населєню було 2.913 жотельох, док спрам предходного Попису зоз 1991. року було 2.924 жительох.

У населєню Бачки Ґрачац жию 2.446 полнолїтни гражданє, а штредня старосц жительства виноши 44,1 роки (41,9 при хлопох и 46,2 при женох). У населєню єст 1.103 обисца, а штреднє число членох по обисцу 2,64 (спрам Попису зоз 2002. року.


Демоґрафия
Рок	Жительох
1948.	4.383
1953.	4.394
1961.	4.284
1971.	3.343
1981.	2.996
1991.	2.924	2.838
2002.	2.913	2.993
2011.	2.286	2.369
2022.	1.826


Етнїчни состав жительства спрам Попису зоз 2002. року
Серби	2,810	96,46%
Роми	11	0,37%
Чарногорци	9	0,30%
Мадяре	7	0,24%
Горвати	6	0,20%
Югославянє	5	0,17%
Словаци	3	0,10%
Словенци	1	0,03%
Руси	1	0,03%
Румунє	1	0,03%
Муслиманє	1	0,03%
Бунєвци	1	0,03%
Албанци	1	0,03%
Нєпознате	23	0,78%

Вонкашнї вязи

Бачки Грачац. Википедија на српском језику, sr.wikipedia.org