Бачке Добре Польо
| Бачке Добре Польо | |
|---|---|
 | |
| Административни податки | |
| Держава | Сербия |
| Автономна покраїна | Войводина |
| Управни округ | Южнобачки |
| Општина | Вербас |
| Жительство | |
| —2022 | 2.992 |
| —густосц | 51,9/km2 |
| Ґеоґрафски характеристики | |
| Координати | 45° 30′ 01″ С; 19° 41′ 21″ В |
| Часово зони | UTC+1 (CET), влєце UTC+2 (CEST) |
| Абс. висина | 80 m |
| Поверхносц | 57,6 km2 |
.svg) Бачке Добре Польо на мапи Сербиї | |
| Инши податки | |
| Поштове число | 21465 |
| Поволуюце число | 021 |
| Реґистерска ознака | V |
Бачке Добре Польо (по руски стара назва Кипшкир, мадь. Kiskér, нєм. Klein Keer) населєнє у Войводини хторе припада општини Вербас. Спрам Попису зоз 2022. року мало 2.992 жительох. Находзи ше 33 километри од Нового Саду, на транспортней и гайзибанскей драги Нови Сад, Змаєво, Вербас.
За церковну и валалску славу (Кирбай), одредзени святи Василиє Острожски, хтори ше слави 12. мая по юлиянским календаре (29. априла по григориянским).
Мено
[ушориц | ушор жридло]По 1861. рок нєшкайше населєнє Бачке Добре Польо ше волало Мали Кер. Року 1861. Мадяре му пременєли мено на Киш Кер, хтори ше познєйше навола и будзе писац з єдним меном, аж по 1922. рок, кед достава назву Прибичевичево, по сербскому политичарови Светозарови Прибичевичови. Тота назва ше затрима по 1933. рок, кед ше зявює нове мено Бачке Добре Польо, и тота назва остава по 1947. рок. Лєм того року, значи єден рок, ношело назву Добре Польо, же би ше од 1948. року надалєй волало Бачке Добре Польо.
Бачке Добре Польо як нєшкайше мено валалу настало през зложени процес комеморативней топонимиї у Кральовини Югославиї по Першей шветовей войни. Главна причина за тоту назву було даванє почесци сербским вояком хтори ше визначели у битки при Добрим Полю на Солунским фронту 1918. року. Префикс "Бачке" додати же би ше означело ґеоґрафску припадносц бачкей реґиї, як и розликованє од других населєньох з подобним меном у Кральовини Югославиї.
История
[ушориц | ушор жридло]Под час турского панованя записани у тедишенєй Бачкей нахиї два Кери — Вельки и Мали. Мали Кер 1554. року мал два доми, 1570. дзевец доми, а 20 роки познєйше 15 доми. На концу XVII вику, точнєйше 1699. року, Кер бул населєни зоз 42 домами. Спрам податкох зоз 1743. року и тедишнїх пописох, у населєню Кер було лєм Сербох. Систематска колонизация Бачкей з Нємцами зоз южней Баварскей и Порайня почина аж после Пожаревацкого мира 1718. року. Перши колонисти сходзели ше з южней Нємецкей у Бечу и оталь су по Дунаю транспортовани до Апатину.
У априлу и маю 1784. року до населєня Кер населєли ше и Нємци зоз сушедней Торжи (нєм. Torschau, серб. Савино Село), дакус познєйше, медзи юнийом и октобром пришли зоз Червинки, а идуцого 1875. року зоз сушеднго Вербасу и скоро шицки були евангелистичней вири. Рок познєйше, населєли ше у Керу Нємци зоз Райху: теди пришли 198 землєдїлци з фамелиями.
Року 1871. мало 3.137 жительох, 1910. року 3.550. а року 1944. скоро шицки Нємци напущели валал и маєтки и поцагли ше з нємецким войском до Нємецкей. По Другей шветовей войни, Бачке Добре Польо место виселєних Нємцох насельоване з колонистами зоз пасивних горских крайох повойновей Югославиї, точнєйше з Чарней Гори и Босанскей Країни.
Колонизация
[ушориц | ушор жридло]Перша ґрупа чарногорских колонистох сцигла до Бачкого Доброго Поля 19. новембра 1945. року, же би ше по септембер 1946. року населєли у Бачким Добрим Полю 553 фамелиї колонистох з дурмиторского краю. Нова ґрупа колонистох зоз 32 сербскима фамелиями з Босанскей Країни сцигла у юнию 1947. През 1945. рок одобрене же би ше у Бачким Добрим Полю населєло и одредзене число фамелийох хтори пришли самостойнє по войни, „автоколонисти“. Були то 50 фамелиї, етнїчни Серби по походзеню з Герцеґовини, Далматинскей Заґори, Лики, Босней, южней Сербиї.
У колонизациї и по єй законченю дзепоєдни жителє ше и врацели до матичних крайох одкаль су колонизовани, найчастейше пре чежке звикованє на климу. Од чарногорских колонистох ше врацела 201 фамелия, а од колонистох з Босанскей Країни 4 фамелиї.
Демоґрафия
[ушориц | ушор жридло]У населєню Бачке Добре Польо жию 3.038 полнолїтни гражданє, а штредня старосц жительства виноши 37,9 роки (36,0 при хлопох и 39,8 при женох). У населєню єст 1.158 обисца, а штреднє число членох по обисцу 3,39 (Попис 2002). Спрам Попису зоз 2002, Серби були векшинске жительство зоз 57,16%.
| Демоґрафия | ||
|---|---|---|
| Рок | Жительох | |
| 1948. | 3.759 | |
| 1953. | 3.763 | |
| 1961. | 3.922 | |
| 1971. | 3.622 | |
| 1981. | 3.768 | |
| 1991. | 3.940 | 3.919 |
| 2002. | 3.929 | 3.970 |
| 2011. | 3.541 | |
| Етнїчни состав спрам Попису зоз 2002. року | ||
|---|---|---|
| Серби | 2.246 | 57,16% |
| Чарногорци | 1.500 | 38,17% |
| Мадяре | 37 | 0,94% |
| Югославянє | 34 | 0,86% |
| Горвати | 14 | 0,35% |
| Українци | 9 | 0,22% |
| Македонци | 7 | 0,17% |
| Нємци | 6 | 0,15% |
| Словаци | 5 | 0,12% |
| Руснаци | 4 | 0,10% |
| Руси | 1 | 0,02% |
| Муслиманє | 1 | 0,02% |
| Бошняци | 1 | 0,02% |
| Нєпознате | 13 | 0,33% |
Литература
[ушориц | ушор жридло]- Бачко Добро Поље — Горштаци у равници Етнографски институт САНУ, уредник Обрен Благојевић — Београд 1979.
Вонкашнї жридла
[ушориц | ушор жридло]- Бачко Добро Поље. Википедија на српском језику, sr.wikipedia.org, 11. мај 2006.