Батог
Батог – прибор за гонєнє статку (сер. бич, поль. batog, ст. чес. batoh, всл. batuh, batoha, укр. батiг, рсй. батог; то праславянске слово виведзене од праслав. batъ, т.є. од bat-ogъ – „палїца, колїк“. У сербским зачуване праславянске бат и батати: бат „маљ“, батати „дуркац, лупкац“, батина „палїца, колїк“, а тото од дїєслова батати „биц“.
Єст два файти батогох: 1. краварски и 2. батог на конї.
Часци краварского батога тоти: пориско, урвацка, шаланґи, карички, споднїк, штранґ, чапов, ошторгель. Краваре з батогом пукали так же ше даскельо раз обрацали коло своєй осовини, махали до круга з батогом, а вец нараз пукли. Батог зоз хторим ше гонєло конї ма длугше пориско на хторе притвердзена ценка скоряна пантлїчка. На тей скоряней пантлїчки могли буц попривязовани китайки з баволни рижних фарбох (кед конї були парадни), або лєм навязани ґузли.
Фразеолоґия
[ушориц | ушор жридло]На концу батог пука – на концу ше увидзи правда, хто мал право.
Литература
[ушориц | ушор жридло]- Словнїк руского народного язика I, A – Н, Нови Сад 2017, б. 50
Вонкашнї вязи
[ушориц | ушор жридло]- Камџија. Викиречник на српском језику, sr.wiktionary.org