Балетанки

Балетски патики лєбо балетанки то файта обуї хтору вше ноша балерини и балетски танєчнїки у представох класичного балету, а дакеди и у модерних представох.

Балетска патика оможлївює танєц у позициї такв. „полпальца“ и у представох их хасную балетски танєчнїки, а тиж у дзепоєдних епизодох и балерини.^[1]

Балетски патики єднаки, и направени су спрам талпи (лївей лєбо правей). Продукую ше индустрийски, алє су найлєпши кед их направи искусни майстор (ципелар) спрам талпи танєчнїка. Узвичаєне же жени ноша целовей фарби, а хлопи чарней. Кед ше жада ефект же танєчнїки боси, теди танцую у билих балетанкох. Вирабяю ше зоз платна лєбо скори.

Окремну файту балетанкох представяю шпиц-патики хтори оможлївюю танцовац на веру пальцох. Таки шпиц-патики ноша виключно балерини а у даєдних модерних балетох и хлопи.^[2]

Балетанки у других спортох и танцох

Балетанки ше тиж ноша и за тренинґи, на змаганьох и наступох у велїх других спортох, танцох и рекреативних активносцох. Нєзаобиходни су часц опреми: у ґимнастики, ритмичней ґимнастики, фолклорних танцох, джез балету, пилатесу, йоґи.

Виробок

Лєгки су, направени зоз скори, платна, штучней скори лєбо комбинациї платна и даєдного материялу зоз полиестеру (сатен, стреч-ликра, найлон, полиамид, итд)

Талпа им найчастейше зоз ґуми хтора ше нє шлїзка. Постої и вариянта зоз талпу хтора ше шлїзка и погодна є за обрацанє у танцу.

Даєдни продукователє их вирабяю - правя у рижних фарбох, зоз можлївима рижнороднима прикрасками.^[3] Хасную ше за представи и сценски наступи и творя состойну часц костима.

Розлики и одношеню на другу спортску обуй

Балетанки треба же би одвитовали талпи, нє шму буц цесни, алє анї нє превельки пре ризик ровних талпох, пад лєбо зобуванє у цеку вежбаня. Тиж, барз важне же би балетанки були правилно направени (анатомски же би провадзели талпу), нукашнї рубци же би були цо менши и ровномирно же би облапяли верхню часц ноги прето же у цеку вежбаня талпа, поготов дзецинска, церпи найвекши напруженя. Професийни балерини ноша балетанки за єдно число менше од другей своєй обуї.

Же би балетанки були обути и добре припити коло талпи, то ше обезпечує зоз моцнєйшу ґуму прейґ горнєй часци ноги. Тиж мож хасновац пантлїку преплєцену у форми ,,Х”. Сиґурносц талпи и лагодносц ше додатно звекшує кед ґумка пришита и коло горнєй часци пети.^[4]

Литература

Angela Reinhardt: Der passende Spitzenschuh – Tipps & Tricks für Kauf, Tuning und Pflege, Henschel-Verlag, Berlin 2005, ISBN 3894875259
Reinhardt, Angela (2008) [2008]. Pointe shoes, tips and tricks (1st ed.). Dance Books Ltd. ISBN 978-1-85273-115-1.

Вонкашня вяза

Category:Pointe shoe manufacturers

Референци

↑ Балетанки
↑ Process of making a ballet toe shoe. freepatentsonline.com
↑ Dance Talk|Miler's Dance studio.
↑ Barringer, Janice; Schlesinger, Sarah (2012) [1998]. The Pointe Book (3rd ed.). Princeton Book Company, Publishers. ISBN 978-0-87127-355-0.

[1] Балетанки

[2] Process of making a ballet toe shoe. freepatentsonline.com

[3] Dance Talk|Miler's Dance studio.

[4] Barringer, Janice; Schlesinger, Sarah (2012) [1998]. The Pointe Book (3rd ed.). Princeton Book Company, Publishers. ISBN 978-0-87127-355-0.

[1]

[2]

[3]

[4]