Амалия Сабадош
| Амалия Сабадош | |
|---|---|
 | |
| Датум народзеня | 10. януара 1953 |
| Датум упокоєня | 29. мая 2008 () |
| Державянство | югославянске, сербске |
| Язик творох | руски |
| Школа | Ґимназия, Нови Сад |
| Универзитет | Природно-математични факултет, напрям физики, Нови Сад |
| Период твореня | 1977—2008. |
| Жанри | просвита, култура |
| Поховани | у Дюрдьове |
Амалия Сабадош (*10. януар 1953—†29. май 2008), професорка и директорка ОШ Йован Йованович Змай у Дюрдьове, дїячка у култури
Биоґрафия
[ушориц | ушор жридло]Амалия Тиркайла народзена 10. януара 1953. року у Дюрдьове. Оцец и мац нар.
Основну школу Амалия закончела у Дюрдьове а ґимназию и Природно-математични факултет, напрям физики, закончела у Новим Садзе.
Амалия Тиркайла ше одала за Мирона Сабадоша. У малженстве мали двох синох, Ивана и Мирослава.
Просвитно-педаґоґийну кариєру Амалия Сабадош почала 1977. року у Штреднєй школи за заєднїцке образованє у Жаблю. У дюрдьовскей основней школи Йован Йованович Змай Амалка почала робиц 1984. року як професорка физики и у настави робела по 2001. рок. Потим, од 2002. року, вона прилапела длужносц директорки. Зоз своїм закладаньом осучаснєла школу и допринєсла же би ше у школи пестовало руски язик и же би ше звекшало число руских дзецох у оддзелєню на руским язику.
Амалия Сабадош остала запаметана и по тим же под час єй мандату витворени єден з найвекших проєктох у Дюрдьове а то була вибудов физкултурней сали и нових кабинетох при школи. Тиж так, як директорка, вона иницировала проєкти Школске розвойне планованє и Школа без насилства, хтори потим удатно витворйовани у пракси.
Амалия Сабадош була активни член КУД Тарас Шевченко у хторим, и попри обовязкох у школи, помагала програмни активносци дружтва. Витирвало робела на тим же би при вецей ґенерацийох дзецох розвила чувство же треба любиц и почитовац свойо националне єство а людске почитовац. И родичох и їх дзеци упутйовала же би свой шлєбодни час творчо препровадзали у фолклорней, шпивацкей, у музичней або даєдней другей секциї КПД Тарас Шевченко.
Член Дружтва за руски язик, литературу и културу Амалия Сабадош була од 1996. року (число 652 у реґистру Дружтва).
По чежкей хороти Амалия Сабадош ше упокоєла 29. мая 2008. року. Похована є на теметове у Дюрдьове.
Литература
[ушориц | ушор жридло]- А. Дудаш, Амалия Сабадош (1953-2008), новини Руске слово, Рок LXIII, число 23 (3268), Нови Сад, 6. юний 2008, б. 3.