Єлисавета Славка Рогаль
| Єлисавета Славка Рогаль | |
|---|---|
Ту будзе Фотка.jpg | |
| Назвиско | Славка |
| Датум народзеня | 17. априла 1927. |
| Датум упокоєня | 9. новембра 1999 (72) |
| Державянство | югославянске |
| Язик творох | руски, сербски |
| Школа | Учительска школа, Зомбор |
| Период твореня | 1947—1982. |
| Жанри | просвита, рецитованє, дзецински театер |
| Похована | Городски теметов у Шидзе |
Єлисавета Славка Рогаль (*17. април 1927—†9. новембер 1999) учителька, єдна з доаєнох сримскей рускей просвити
Биоґрафия
[ушориц | ушор жридло]Єлисавета Славка Будински народзена 17. априла 1927. року у Руским Керестуре. Оцец Янко Будински и мац Ана нар. Павлович. Славка мала шестру Єлену. До основней школи ходзела у Руским Керестуре, а до Учительскей школи ходзела у Зомборе и закончела ю 1947. року.
Славка Рогальова свойо перши роки учительскей роботи препровадзела у руских штредкох: у Дюрдьове, Коцуре, Вербаше и Руским Керестуре.
Єлисавета Славка Будински ше 1951. року повинчала зоз учительом Владимиром Рогальом зоз Соту. У малженстве мали сина Владимира и дзивку Надежду.
Славка зоз супругом Владимирома 1954. року прешла робиц до Сриму. Жили у Бикичу дзе Славка робела як учителька, а єй супруг Владимир Рогаль бул єден час учитель у Беркасове, а потим у своїм родзеним месце Соту.
До Шиду ше преселєли 1. септембра 1962. року дзе учителька Славка робела, по одход до пензиї 1. септембра 1982. року, у Основней школи Филип Вишнїч.
Коло педаґоґийней роботи, учителька Славка учела, як сербски так и руски дзеци ґлумиц, рецитовац, танцовац. Виведла велї ґенерациї школярох хтори ше єй здогадую и паметаю ю по крашнє виповедзеним и наученим слове, по коректней воспитно-педаґоґийней роботи и справованю як правей народней учительки.
Учителька Славка Рогальова була, вєдно з учительку Ксению Сенку Саламунову и учителями Меланию и Васильом Мудрого зоз Шиду и учительку Марию Марчу Ракичову зоз Бачинцох, медзи доаєнами сримскей рускей просвити, госц-учашнїк на 1. сретнуцу руских школох, отриманим 4. юния 1994. року у Бачинцох.
Єлисавета Славка Рогаль умарла 9. новембра 1999. року у Шидзе. Похована є нa Городским теметове у Шидзе.
Ґалерия
[ушориц | ушор жридло]-
Славка и Владимир Рогаль зоз школярами
Литература
[ушориц | ушор жридло]- Василь Мудри – Янко Саламон: Прилоги ґу историї рускей школи у Шидзе, Studia Ruthenica ч. 3, Дружтво за руски язик и литературу, Нови Сад, 1992-1993, 208-268;
- Василь Мудри: З нагоди означованя 70-рочнїци народзеня Владимира Рогаля (1925-1984-1995), Studia Ruthenica ч. 5, Дружтво за руски язик, литературу и културу, Нови Сад, 1996-1997, 121-123.